Les mots surlignés font l'objet d'une note
1Monsegneur, j’ay sceu que quelzques ennemis de monsieur
2Pelissier, viceneschal de Crest, puys son despart de ceste
3cour et les exequtions faictes sur ceulx de la novelle opinion
4ont semé des bruitz et faict des rapportz à vous-mesmes qu’il
5avoit heu pratique et communication en tout ce que s’estoit
6mis en advant yci et entrepris par le feu amiral et ses suppotz,
7et particulièrement participé au cayer présenté par Le Cheylar
8et le sieur de Cugy. Je scay assez, monsieur, comment vous estes
9prompt à ouyr et tardif à croyre l’ung, sinon ne pouvez vous refuser ;
10mais la persuasion en demeure après subgette aux preuves, ausquelles
11les ennemis dudit sieur viseneschal ne scauroint venir, mais au
12contraire je puis temogner de certaine science qu’il n’avoit
13aucune participation aux conseilz publicz ou secretz de la cause
14en ceste ville, et, pour vostre regard, qu’il blamoit et réfutoit
15ouvertement les calomnies desdits Cheylar et sieur de Cugy. Je vous supplie
16bien humblerment, Monsieur, ne permettre que ses
17ennemis, sur la malice de ce temps, prennent advantage
18sur luy, mais par la très humble requeste que je vous en fais,
19le conserver soubz l’observation des edictz du roy et soubz vostre
20protection ; et je vous demeureray obligé de ce bien comme
21s’il estoit employé envers ung mien propre frère, et pour
22lequel je me perpétueray tant que je vivray de vous
23en faire très humble service et telle affection que je
24présente mes très humbles recommandations à votre bonne grâce,
25Monsegneur, je prie Dieu qui vous conserve en très longue
26et heureuse vie. De Paris, ce VIe novembre 1572,
27Vostre très humble et obéissant
28serviteur
29Chastellard de Boczosel